БоксГрипал®
- Дәрілік түрі: Ішке қабылдау үшін ерітінді дайындауға арналған ұнтақ
- Дозасы: 10 г
- Тірк. нөмірі: ҚР-ДЗ-5№023417
Құрамы
Бір пакеттің ішінде
Белсенді заттар: 325 мг парацетамол, 20 мг фенирамин малеаты, 10 мг фенилэфрин гидрохлориді,
Қосымша заттар: лимон қышқылы, лимон хош иістендіргіші, Е104 сары хинолды бояғыш, сахароза, калий ацесульфамы.
Қолданылуы
Жіті респираторлық вирустық инфекцияларда, жоғары дене қызуымен, қалтыраумен, бас ауруымен, ринит құбылыстарымен, түшкірумен және бұлшық ет ауруларымен қатар жүретін тұмауда қысқамерзімдік симптоматикалық ем жүргізу ретінде.
Қолдану тәсілі және дозалары
Пакеттің ішіндегісін 200-250 мл қайнаған ыстық суға ерітеді. Ыстық күйінде қолданады. Қайталама дозасын әрбір 4-6 сағат сайын қабылдауға болады (24 сағат ішінде 3 дозадан көп емес).
БоксГрипал® тәуліктің кез келген уақытында қолдануға болады, алайда препаратты ұйықтар алдында, түнде қабылдау жақсы нәтиже береді. Егер препаратты қабылдауды бастағаннан кейін 3 күн ішінде симптомдардың жеңілдегені байқалмаса, дәрігерге жүгіну керек.
