Жаңалықтар

VIVA Pharm компаниясы Pfizer-мен ынтымақтастық шеңберінде қоймалық және дистрибьюторлық инфрақұрылымды интеграциялау жөніндегі ауқымды жобаның сәтті жүзеге асырылғаны туралы хабарлайды. Бұл жоба жеткізілімдердің тиімділігін арттыруда және Қазақстан пациенттері үшін дәрілік препараттардың үздіксіз қолжетімділігін қамтамасыз етуде маңызды кезеңге айналды.

Ынтымақтастық 2025 жылдың ақпан айында басталды, ал алғашқы кезең VIVA Pharm компаниясының қойма инфрақұрылымын кешенді модернизациялау болды. Pfizer-дің жоғары стандарттарына қызмет көрсетуге дайындық аясында нысанда озық технологиялық шешімдер енгізілді:

• Қойма қуаттылықтарын кеңейту: Мамандандырылған тоңазытқыш камералары салынды, бұл қойманың тоңазытқыш жүйесінің сыйымдылығын 100 паллето-орынға дейін арттыруға мүмкіндік берді.

• Қауіпсіздік деңгейін арттыру: Алғаш рет 570 шаршы метр аумақты қамтитын автоматты спринклерлік өрт сөндіру жүйесі енгізілді.

• IT-инфрақұрылымды дамыту: Деректермен кедергісіз алмасу үшін 1С жүйесі SAP жүйесімен интеграцияланды.

«Pfizer-мен ынтымақтастық VIVA Pharm үшін тек инфрақұрылымдық жоба ғана емес, сонымен қатар операцияларды басқарудың неғұрлым жетілген моделіне өту болды. Біздің команда үшін алынған тәжірибе өте маңызды: біз әртүрлі бөлімшелердің жұмысын үйлестіре алдық, сапаға қойылатын бірыңғай талаптарды бекіттік және процестердің болжамдылығын арттырдық. Мұндай нәтиже екі компания мамандарының тығыз өзара іс-қимылы мен түпкілікті нәтиже үшін ортақ жауапкершілігінің арқасында мүмкін болды. Жасалған модель бізге фармацевтикалық логистикадағы құзыреттерді дәйекті түрде дамытуға және осы деңгейдегі жаңа жобаларды жүзеге асыруға мүмкіндік береді», — деп атап өтті Viva Pharm Жеткізілім тізбегі бөлімшесінің басшысы Тілек Темірбеков.

2025 жылдың желтоқсаны мен 2026 жылдың шілдесі аралығындағы операциялық көрсеткіштер серіктестіктің таңдалған моделінің тиімділігін растайды: командалар сақтау мен тасымалдаудың барлық температуралық режимдерін қатаң сақтай отырып, өнімді қабылдау мен өткізуге түскен өтінімдердің 100%-ын қамтамасыз етті.

VIVA Pharm мен Pfizer серіктестігі технологиялық пен қауіпсіздік принциптеріне негізделген. Сериализациялау мен жеткізілім тізбектерін басқарудың озық процестерін енгізу қоймадан соңғы пациентке дейінгі әрбір кезеңде өнімнің түпнұсқалығына кепілдік беруге мүмкіндік береді. Бұл екі компания үшін де басты басымдық болып табылады.

«Pfizer компаниясы үшін бұл жобаның стратегиялық маңызы бар: сенімді әрі заманауи жеткізілім жүйесі Қазақстан пациенттері үшін дәрілік препараттардың қолжетімділігіне тікелей әсер етеді. Өнімді сақтау мен тасымалдау талаптарын қатаң сақтау — оның пациентке дейінгі бүкіл жолында сапасы мен қауіпсіздігін қамтамасыз етудің ең маңызды шарттарының бірі. Қойма инфрақұрылымын модернизациялау және цифрлық жүйелерді интеграциялау бүкіл жеткізілім тізбегінің орнықтылығы мен ашықтығын арттыруға мүмкіндік берді. Біз серіктестің технологиялық шешімдерге инвестиция салуға және жоғары халықаралық стандарттарға сәйкес болуға дайындығын жоғары бағалаймыз. Қызметіміздің орталығында әрдайым пациент тұрады, сондықтан қажетті препараттардың үздіксіз қолжетімділігі біз үшін басты басымдық болып қала береді. Бұл жоба ынтымақтастықты әрі қарай дамыту үшін берік негіз болады және Қазақстанның денсаулық сақтау жүйесін нығайтуға үлес қосады деп сенемін», — деді Pfizer-дің Қазақстандағы өкілдігінің басшысы Дмитрий Козенков.