Жаңалықтар

Еуропа қайта құру және даму банкімен (ЕҚҚДБ) әріптестік шеңберінде «ВИВА ФАРМ» компаниясы 2023 жылғы 16-18 мамырда Өзбекстанда Басқарушылар кеңесінің XXXII жыл сайынғы отырысымен қатар өткізілген ЕҚҚДБ іскерлік форумына шақырылды. Шараның өтетін орны ретінде Орталық Азияның ежелгі қалаларының бірі, ЮНЕСКО-ның Бүкіләлемдік мұралар тізіміне енгізілген Самарқанд қаласы таңдалды.

ЕҚҚДБ-ның «Тұрақтылыққа инвестициялар» тақырыбына арналған іскерлік форумы білім алмасуға, іскерлік белсенділікке жәрдемдесуге және әлемнің түкпір — түкпірінен — жетекші мемлекеттік шенеуніктерден, қаржы және корпоративтік құрылымдар басшыларынан бастап кәсіпкерлерге, азаматтық қоғам және халықаралық БАҚ өкілдеріне дейінгі көрнекті қатысушылар қатысқан іс-шаралардың серпінді бағдарламасына қатысуға мүмкіндік берді.

Біз ЕҚҚДБ мен сарапшылардың Банк инвестициялайтын елдердің экономикаларына қазіргі геосаяси сын-қатерлерге қарсы тұруға қалай көмектесуге болатындығы жөнінде пікірін естідік. Бизнес-форум аясында макроэкономикалық жағдайға, жеке сектордың рөліне, жаңартылатын энергия көздері мен тұрақты энергетиканы дамыту, өңіраралық байланыстар, экономикалық интеграция, азық-түлік қауіпсіздігі, цифрландыру және қазіргі заманның өзге де өзекті тақырыптары туралы саясаткерлердің кездесулері мен диалогтарына арналған сарапшылардың пікірталастары өтті.

Форум жұмысының бағдарламасына жекелеген елдер мен өңірлер бойынша, оның ішінде Қазақстан бойынша тақырыптық отырыстар да кірді. Біз үшін ең маңызды жайт, форумда ЕҚҚДБ мен «ДАМУ» Қорының қолдауымен және кепілдігімен «ВИВА ФАРМ» мен «ЦентрКредит» Банкі арасында шартқа қол қойылды.

Самарқанд қаласында ЕҚҚДБ-ның 2023 жылғы жыл сайынғы жиналысы мен бизнес-форумына қатысу керемет оқиға болды! Осы іс-шара барысында қалыптасқан байланыстар болашақта одан әрі өркендейтініне ұмытылмас әсерлер мен сенімділік қалды. Самарқандтың бай тарихы, жарқын мәдениеті мен архитектуралық ғажайыптары біздің пікірталастарымыздың, қарым-қатынасымыздың және жаңа бизнес мүмкіндіктерін табудың тамаша аясына айналды!